Blog autobus.al - Sistemi i Rezervimit te Biletave Nderkombetare te Autobusit

Nela Tours ofron ne sistem bileta autobusi per Sofie dhe Oher

2024-05-11T16:00:38+02:00

Ashtu sic ju kemi mesuar prej disa vitesh tashme, jemi ne kerkim te vazhdueshem te bashkepunetoreve te rinj per ti bere pjese e sistemit te biletave te autobusit autobus.al, dhe kete here vijme me nje njoftim te rendesishem per ju pasi prej fillimit te muajit Maj ne te autobus.al kemi nisur bashkepunimin me kompanine Nela Travel & Tours, kompani e licensuar per Transport Nderkombetar Udhetaresh me linja te rregullta drejt Sofie, Bullgari dhe drej Oher, Maqedoni e Veriut.

Nela Travel & Tours eshte nje kompani qe operon prej vitesh ne tregun shqiptar me linja te rregullta autobusi dhe tashme behet pjese e sistemit te biletave nderkombetare te autobusit www.autobus.al duke i dhene mundesine me shume se 315 agjencive turistike dhe te udhetimit ne Shqiperi si dhe cdo personi te interesuar, qe te mund te presi bileta autobusi nga Tirana drejt Sofies dhe nga Sofia drejt Tiranes; ashtu si nga Tirana drej Ohrit dhe nga Ohri drejt Tiranes. Mjetet komode dhe moderne te kompanise Nela Travel & Tours do tja u bejne udhetimin drejt ketyre destinacioneve te rehatshme dhe te qeta.

Ndryshon terminali i nisjes se autobusave ne Tirane

2024-05-11T15:37:12+02:00

Ju informojme se duke filluar nga data 1 Maj 2024, te gjitha linjat nderkombetare te autobusave kane ndryshuar stacionin per nisjet nga Tirana, duke i kryer tashme te gjitha nisjet e tyre nga terminali i ri qe ndodhet prane Qendres Tregtare TEG, te emertuar "Terminali Lindor Interurban dhe Nderkombetar i Autobusave".

Nga ky terminal do te kryhen te gjitha nisjet e autobusave nga Tirana drejt Greqise, Turqise, Maqedonise se Veriut, Kosoves, Malit te Zi, Italise, Gjermanise etj, sipas orareve te percaktuara nga secila linje.

Per te arritur ne terminal nga qyteti i Tiranes mund te perdoren autobusat urban te linjes se TEG apo linjes se Sauk, ose dhe sherbimet taksi.

Per te gjetur terminalin e ri ne harte, mund te klikoni ketu: https://maps.app.goo.gl/JTGqo31MRPpj2hCU9

autobus.al behet pjese e Magus Group Albania

2024-01-11T15:29:30+01:00

Vitin 2024 e nisim me ndryshime, ashtu sic kemi njoftuar edhe ne postimet e mehershme. Ndryshimi i radhes eshte ai i emertimit fiskal te kompanise duke e nderruar nga "autobus.al" shpk ne "Magus Group Albania" shpk. Ky ndryshim prek vetem emeretimin fiskal ne Qendren Kombetare te Biznesit si dhe ne Drejtorine e Pergjithshme te Tatimeve, dhe nuk cenon aspak vazhdimin e veprimtarise se perditshme te Sistemit te Biletave te Autobusit www.autobus.al, aktiviteti i te cilit nuk ka reshtur asnje dite qe prej Qershorit 2017.

Ne te njejten kohe deshirojme te informojme gjithe bashkepunetoret dhe partneret tane se NIPT i kompanise vazhdon te jete i njejti por ju sygjerojme qe ne sistemet tuaja te fiskalizimit te beni azhronimin e te dhenave tona duke vendosur emrin e ri te kompanise, Magus Group Albania.
Ky eshte vetem hapi i pare i ndryshimeve te parashikuara per kete vit, ndryshime keto te cilat kane si objektiv permiresimin e sherbimeve te ofruara nga kompania jone dhe nga te gjitha brandet brenda saj.

Ju faleminderit per mirekuptimin.

Shtohen partneret dhe oraret per udhetimet nga dhe drejt Kosoves

2023-08-10T15:48:38+02:00

Prej pak kohesh tashme, sistemit autobus.al i jane bashkuar edhe 2 kompani te tjera nga Kosova te cilat kryejne udhetime te rregullta me autobus nga Kosova drejt Shqiperise, edhe anasjelltas. Kompanite ne fjale jane Albani Tours dhe Arbeni Tours. Keto kompani me linjat e tyre i shtojne larmishmerine sistemit tone duke i ofruar te gjithe bashkepunetoreve dhe klienteve tane alternativat e nevojshme per udhetime nga Prishtina e Prizreni drejt Aeroportit te Tiranes si dhe drejt qytetit te Tiranes, sikurse nga Tirana drejt disa destinacioneve te ndryshme te Kosoves.

Tashme linja autobusi per ne Kercove, Gostivar, Tetove e Shkup

2021-02-22T15:01:16+01:00

Edhe se pandemia ka shkaktuar kaos ne te gjithe sektorin e transportit te udhetareve, ne te autobus.al nuk kemi reshtur kontaktet dhe bisedimet me partneret tane ekzistent por edhe me partnere te mundshem. Keshtu ishte rasti edhe i IDO TOURS, kompanise prestigjoze Tetovare e cila, mes te tjerave, kryen edhe linjen Shqiperi - Maqedoni dhe Maqedoni - Shqiperi ne bashkepunim me kompanine Shqiptare Drita Travel. Udhetimet kryhen dy here ne dite per secilin drejtim dhe lidhin Tiranen, Elbasanin, Librazhdin dhe Prrenjasin me Kercoven, Gostivarin, Tetoven e Shkupin.

Me ane te ketij bashkepunimi ne tregojme edhe nje here angazhimin tone permanent per te sjelle bashke ne kete sistem kompani prestigjoze, te sigurta dhe profesionale per tju siguruar nje udhetim sa me komod.

autobus.al - Vendosim Standarte per Industrine e Transportit Nderkombetar te Udhetareve

autobus.al marreveshje bashkepunimi me Genius Lab per kryerjen e tamponave

2020-09-09T09:13:10+02:00

Ne kuader te respektimit te masave te marra nga qeveria e Greqise (por dhe nga shtete te tjera) per kufizimin e perhapjes se COVID-19, hyrja e shtetasve Shqiptare ne territorin e ketyre shteteve behet vetem pasi te deshmojne rezultatin negativ te testit RT-PCR (tamponi) te kryer deri ne 72 ore perpara. Ne kete kontekst te realitetit te ri te transportit rrugor te udhetareve, autobus.al shpk arrin te nenshkruaje nje marreveshje bashkepunimi me nje prej emrave me te medhenj te klinikave dhe laboratoreve mjekesore ne Shqiperi, Genius Lab per kryerjen me prioritet te testeve RT-PCR (tamponi) per te gjithe udhetaret te cilet deshirojne te udhetojne me nje nga linjat tona drejt Greqise apo dhe vendeve te tjera te cilat kane si detyrim kete test.

Duke marre ne konsiderate specifikat e udhetareve, Genius Lab do te kete prioritet te gjithe keta persona te cilet do te kryejne testin e tamponit prane laboratoreve te tyre dhe do te nxjerre rezultatin e analizes brenda 24 oreve.

Gjithashtu, per te lehtesuar procedurat e metejshme te udhetareve, rezultatet e analizes se tamponit (CT-PCR) do te jene ne gjuhen Shqipe dhe ate Angleze, duke shmangur ne kete menyre kostot ekstra per perkthimin dhe noterizimin e rezultateve te analizave.

Genius Lab gjendet ne Tirane, ne Rrugen e Kavajes, ne kompleksin “Delijorgji” por bashkepunon gjithashtu me shume laboratore te tjere ne te gjithe Shqiperine ku ju mund te drejtoheni per kryerjen e tamponit.

Ju informojme se Genius Lab eshte laborator i licensuar me nr License LN-7116-04-2019 dhe i autorizuar per kryerjen e analizave CT-PCR nga Ministria e Shendetesise dhe Mbrojtjes Sociale me vendim nr. 03 date 18/08/2020 dhe hyre ne fuqi me 28/08/2020, sipas Urdherit nr. 437 date 23.07.2020 “Per miratimin e procedures se kryerjes se testimeve molekulare CT-PCR per SARS-COV-2 dhe njohjes se laboratoreve jopublik per kryerjen e testimit per nevoja administrative”.

autobus.al - Vendosim Standarte per Industrine e Transportit Nderkombetar te Udhetareve

Nisen udhetimet drejt Greqise per personat me dokumenta greke

2020-07-20T19:35:31+02:00

Pas disa muajsh te mundimshem plot stres dhe siklete te shkaktuara prej pandemise boterore te virusit COVID-19, autobus.al ne bashkepunim me operatoret te cilat operojne me linja te ndryshme drejt Greqise, rinis pjeserisht udhetimet drejt vendit fqinj me disa linja. Udhetimet kane nisur nga dita e hene, 20 Korrik 2020, dhe do te kryhen ne kushte strikte sigurie per mbrojten dhe parandalimin e shperndarjes se virusit, duke mos lejuar asnje udhetar te hipe ne autobus pa pasur maske. Gjithashtu, bazuar ne vendimet e qeverise Shqiptare dhe asaj Greke, maska duhet mbajtur vene gjate gjithe udhetimit dhe qendrimit ne autobus. Personat te cilet do te shkelin kete rregull, do te detyrohen te zbresin nga autobusi dhe do te raportohen ne autoritetet perkatese Shqiptare apo Greke.

Edhe se udhetimet kane nisur, jo cdokush mund te udhetoje drejt vendit fqinj, Greqise. Per momentin lejohen te udhetojne VETEM:

🚍 shtetasit Greke ( me pasaporta Greke)
🚍 personat me karte speciale te identitetit "Homojenisti" ( Bashkekombasi)
🚍 personat me leje qendrimi Greke
🚍 personat me vendbanimin kryesor te tyre ne Greqi ose vendqendrim te zakonshem ne Greqi

Udhetari duhet te sigurohet qe ka dokumentat e nevojshme per te udhetuar perpara se te bleje bileten. Ne rastet se udhetari kthehet nga policia ne kufi, kompania nuk mban pergjegjesi.

Per detaje te metejshme rreth dokumentave qe duhen per te udhetuar dhe saktesise se tyre, ju sygjerojme te kontaktoni me Ambasaden e Republikes se Greqise ne Tirane.

Kushtet per udhetimin drejt vendeve fqinje nepermjet kufijve tokesore

2020-06-02T08:53:54+02:00

Shqiperia ka nisur levizjen e lire dhe hapjen e kufijve tokesore duke filluar nga me shtetet e tjera duke filluar nga data 1 Qershor por kjo hapje nuk eshte ne reciprocitet te plote edhe me fqinjet tane. Kjo gje ka shkaktuar kaos ne pikat kufitare dhe radha te gjata per kalimin e tyre.

Duke pare situaten e krijuar ka reaguar Drejtoria e Kufirit dhe Migracionit, e cila ka shpjeguar se e pavaresisht se kufijte jane hapur nga qeveria jone, nuk ka ndodhur e njejta gje nga Italia, Greqia apo Maqedonia e Veriut.

Ne keto kushte, cdo shtetas shqiptar mund te futet ne Shqiperi nga pikat kufitare lidhese me keto shtete, por jo cdokush do te lejohet te futet ne Greqi, Itali apo Maqedonine e Veriut.

Krejt ndryshe ndodh ne pikat kufitare me Malin e Zi ku situata eshte normale dhe nga ku lejohet hyrja dhe dalja e qytetareve. E njejta gje ndodh me Kosoven, por me kushtin qe kush hyn andej duhet qe te qendroje per 7 dite ne karantine nese nuk kane nje konfirmim zyrtar brenda kater diteve te fundit se jane "negative" nga koronavirusi; pra, duhet te kete bere testin per COVID-19 gjate 4 diteve te fundit dhe rezultatet e testit ti kete me vete.

Drejtoria e Kufirit dhe Migracionit shkruan se situata e kalimit kufitar eshte si me poshte:

Per Republiken e Italise, Greqise dhe Republiken e Maqedonise se Veriut nuk ka ndryshim te regjimit kufitar nga ana e tyre. Lejohet hyrja per ne Shqiperi, por nuk lejohet hyrja per te gjithe udhetaret ne drejtim te ketyre vendeve, perveç atyre qe jane rezident apo qe kane ndjekur procedurat me Ministrine e Jashtme, si pergjate periudhes se pandemise.

Ne Republiken e Malit te Zi lejohen te hyjne pa asnje pengese dhe kufizim vetem qytetaret nga shtetet ne listen e miratuar nga ana e tyre (shtete te cilat kane shkallen e rasteve aktive te koronavirusit me pak se 25 per 100 000 banore), liste ne te cilen ben pjese edhe Republika e Shqiperise.

Per Republiken e Kosoves lejohen te hyjne te gjithe shtetasit, por ne qofte se nuk posedojne konfirmim zyrtar brenda nje afati kohor prej 4 ditesh qe jane “negativ” me COVID-19, atehere duhet te plotesojne formularin perkates per vetekarantinim per nje periudhe 7-ditore, ndersa kamionet duhet t’i nenshtrohen procesit te dezinfektimit para se te hyjne ne territorin kosovar.

Plugin per WordPress per autobus.al

2020-05-20T10:37:54+02:00

Gjate gjithe kesaj kohe qe jemi ne treg, kemi treguar gjithmone qe degjojme kerkesat dhe marrim parasysh nevojat e bashkepunetoreve tane. Kemi pasur disa kerkesa nga disa agjenci te cilat bashkepunojne me ne qe te mund tja u lehtesonim integrimin e motorrit te kerkimit te biletave te autobusit te autobus.al ne faqet e tyre te internetit, per tju dhene mundesi vizitoreve dhe kilenteve te tyre te rezervojne dhe blejne bileta autobusi nga website tashme ekzistent i agjencise, i ndertuar ne WordPress. Duke qene se ne opsionin e integrimit e kishim funksional ne sistemin tone, u perqendruam tek ndertimi i nje plugin (shtojce) per WordPress dhe sot kemi kenaqesine tju informojme se sapo kemi nxjerre publikisht versionin e pare te pluginit tone te quajtur "Bileta nga autobus.al".

*** *** *** *** ***

Me ane te ketij plugin (shtojce), te gjithe bashkepunetoret tane te cilet kane websitet e tyre te ndertuara ne WordPress, mund te japin klienteve dhe vizitoreve te faqes se tyre mundesine per te kerkuar per bileta nderkombetare autobusi, mundesine per te rezervuar dhe blere biletat per te cilat interesohen.

*** *** *** *** ***

Ky eshte nje sherbim i ri qe u vjen ne ndihme te gjithe bashkepunetoreve tane - qofshin keta agjenci turistike apo operator (transportues) - qe te jene me te aksesueshem ne treg, me profesional dhe, gjithashtu, u jep mundesine te shtojne dhe shumfishojne te ardhurat e tyre duke reduktuar kostot e perditshme per shitjen e biletave te autobusit.

Nese keni nje website te ndertuar ne WordPress dhe deshironi te integroni modulin tone te kerkimit te biletave te autobusit, kerkoni, shkarkoni dhe instaloni pluginin tone te emertuar " Bileta nga autobus.al " dhe me pas na kontaktoni qe te mund tju aktivizojme opsionin e integrimit, nga ku do te mund te merrni kodet appID dhe appSecret te cilat me pas duhet ti vendosni ne fushat e pluginit (si ne foton e meposhtme).

*** *** *** *** ***

Per te shkarkuar plugin, klikoni ketu.

Te bashkepunosh me ne, eshte shume e thjeshte :-)

autobus.al - Vendosim Standarte per Industrine e Transportit Nderkombetar te Udhetareve

Zgjidhjet urgjente për sektorin e transportit ndërkombëtar të udhëtarëve.

2020-05-17T12:36:00+02:00

Nje artikull nga Dr. Ferjolt Ozuni, Administrator i autobus.al

Dy muaj pas mbylljes totale të Shqipërisë si masë mbrojtëse kundër pandemisë COVID-19, ende nuk kemi një zgjidhje për situatën e vështirë në të cilën gjendet sektori i transportit në Shqipëri. Me të drejtë, shumëkush do të thoshte se problemet në këtë sektor nuk janë vetëm nga pandemia por ato datojnë që në fillimet e demokracisë shqiptare pasi, jemi i vetmi vend në këtë pjesë të Europës (dhe nuk do e ekzagjeroja nëse do të thoja “në të gjithë Europën”) i cili ende nuk ka stacione autobusësh – qofshin këta për linjat ndërqytetëse, ashtu edhe për ato ndërkombëtare. Por ky nuk është problemi i vetëm ndaj le ti kthehemi me një shikim retrospektiv këtij sektori që është sa problematik aq edhe i domosdoshëm në kohën kur pretendojmë të ndërtojmë dhe mbajmë një imazh turistik në rajon.
Deri në vitet 2013-2014, shumë pak prej nesh kishin menduar apo mendonin të shkonin në stacionin e autobusit për të marrë autobusin nga qyteti ynë për diku tjetër, dhe kjo për faktin e thjeshtë se autobusët ishin po aq të rrallë sa trenat, si dhe nuk e dinim ku ishin stacionet. Në Shqipëri kane mbizotëruar furgonat e udhëtarëve me deri në 8 apo 10 vende me të cilët janë bërë eksperimente nga më të çuditshmit. Një herë u lejuan të funksionojnë si të kishin dëshirë e qejf; pastaj, për ti ndarë nga bashkia në bashki, i lyen me ngjyrën e preferuar të drejtuesit të bashkisë; më pas i kategorizuan si mjete “taksi” por që nuk kryenin asnjë shërbim specifik të kësaj kategorie; dhe deri sa erdhi momenti që pas 25 vjetësh funksionimi në anonimitet ligjor, financiar e fiskal, i hoqën nga qarkullimi duke i ndaluar të kryejnë atë aktivitet të cilin e kryenin deri në atë moment. Kjo ndodhi pas zgjedhjeve të 2013, me ndryshimin e qeverisë, e cila nisi të marrë masa për stabilizimin dhe rregullimin e këtij sektori, edhe se u përball me protesta të mëdha nga drejtuesit apo pronarët e këtyre mjeteve të cilat funksiononin jashtë çdo kontrolli. Me këtë lëvizje, nisi disi stabilizimi i këtij sektori, ku vendin e këtyre mjeteve të cilat udhëtonin kuturu dhe pa orare, e zunë autobusët me orare të paracaktuara por pa kushte dhe me njerëzit që vazhdonin të qëndronin në këmbë gjatë udhëtimit në korridoret e autobusëve apo që vazhdonin të bënin autostop kudo. Por sot, nëse çështja e kushteve të mjeteve të transportit është rregulluar dhe autobusët kanë ajër të kondicionuar dhe respektojnë kapacitetin maksimal të pasagjereve mes të tjerave, çështja e autostopeve vazhdon të jetë problematike dhe burim i vazhdueshëm aksidentesh me pasoja të rënda, pasi mungesa e stacioneve apo dhe e vend-qëndrimeve është e theksuar.
Këto probleme kanë qënë më të theksuara në transportin ndërqytetës pasi në transportin ndërkombëtar, të detyruar edhe nga shtetet partnere, situata ka qënë dhe vazhdon të jetë disi më e rregullt dhe më e kontrolluar për sa i përket mjeteve dhe kushteve të tyre. Gjithsesi, ndërkohë që në vendet partnere autobusët ndalojnë në stacione apo vend-qëndrime të përcaktuara, brenda territorit të Shqipërisë këto mjete janë të detyruara të ndalojnë vend e pa vend. Është e vërtetë që sot kemi një terminal udhëtarësh për linjat ndërkombëtare në Tiranë dhe në 3-4 qytete të tjera, por është po aq e vërtetë që këto terminale nuk përdoren nga të gjithë dhe ka ende transportues të cilat ndalojnë ku të mundin dhe nuk hyjnë në terminal, ashtu siç ka edhe kompani të cilat parkingjet i përdorin edhe si stacion. Por, përveç këtyre rasteve, autobusët e transportit ndërkombëtar të udhëtarëve janë të detyruar të ndalojnë për të marrë apo zbritur udhëtarë tek “Karburanti X”, tek “Lokali Tanit”, tek “Supermarket Beni”, tek “Ura e Lumit” apo tek “Agjencia Y” – dhe në pjesën më të madhe të rasteve, këto ndalesa bëhen edhe disa herë në të njëjtin qytet.
Ata që kanë udhëtuar me autobus në linja ndërkombëtare e dinë shumë mirë që për biletë udhëtimi u plotësohet me stilolaps një set prej 5 “copa letre” të emërtuar “Biletë Transporti Ndërkombëtar Rrugor”, më pas i grisin dhe disa i mbajnë e disa ja japin udhëtarit. Jo, nuk është skenë e para 30-40 viteve por një skenë që ndodh rëndom disa dhjetëra herë në ditë në çdo zyrë kompanie autobusësh në Shqipëri edhe në ditët e sotme, pasi jemi ende i vetmi shtet në Europë me bileta autobusi manuale - me laps e letër. Dhe si çdo shërbim apo produkt tjetër, edhe këto bileta manuale të prodhuara nga Shtypshkronja e Letrave me Vlerë kanë një kosto prej rreth 100 Lek/copa, dhe një kompani normale e cila transporton çdo muaj minimalisht 1000 udhëtarë jashtë Shqipërisë, ka një kosto vjetore minimalisht 10.000Euro, por që shkojnë mbi 50.000Euro/Vit në rastin e kompanive me fluks më të madh udhëtarësh.
Në kohën dhe situatën në të cilën gjendet e gjithë ekonomia shqiptare dhe botërore si shkak i pandemisë, të gjitha kompanitë po rishikojnë operacionet e tyre të përditshme me qëllim shkurtimin e kostove duke riklasifikuar shërbimet apo produktet me të cilat furnizohen, në të nevojshëm, të detyrueshëm apo pa të cilat mund të funksionojnë. Sektori i turizmit – për të cilin është folur shumë ditët e fundit – dhe ai i transporteve janë ndër më të prekurit nga kjo bllokadë ndaj dhe operatoret e këtyre sektorëve po luftojnë dita-ditës për mbijetesë, por kanë nevoje për ndihmë nga institucionet shtetërore. Aq me tepër, duke parë edhe faktin që në javët e fundit të Majit pritet lejimi i kalimit të kufirit me makina personale, rreziku që i kanoset sektorit të transportit të udhëtarëve është edhe më i madh pasi në mungesë të autobusëve, mjetet personale dhe taksitë do të bëjnë “ligjërisht” transportin ndërkombëtar të udhëtarëve, një veprimtari të cilën e kanë ushtruar në kundërshtim me ligjin edhe më përpara, në dëm të transportuesve të licencuar. Makinat personale kanë funksionuar në paligjshmëri totale në kryerjen e transportit ndërkombëtar të udhëtarëve prej vitesh tashmë, dhe kanë dëmtuar tej mase kompanitë e licencuara duke marrë nga këto të fundit rreth 1/3 e udhëtarëve – por në zonat kufitare si Pogradec, Korçë, Gjirokastër, Shkodër, Kukës, etj., udhëtarët me mjete të paliçencuara janë më shumë se 70%. Shpeshherë janë denoncuar tek Task-Forca Rrugore shkelësit nga subjektet e licencuara por situata nuk tregon ndonjë ndryshim të madh – kjo edhe për faktin se stabilizimi i kësaj situate duhet të vijë edhe nga bashkëpunimi ndër-institucional mes Policisë Kufitare, Doganave, Policisë Rrugore dhe Task-Forcës në fjalë.
Problematikat janë të shumta në këtë sektor dhe theksova më lart vetëm disa prej tyre, ato më të rëndësishmet dhe ato që ndoshta kërkojnë një zgjidhje ugjente pasi janë problematika të cilat, të kombinuara me situatën e krijuar edhe nga pandemia, mund të çojnë drejt rrënimit gjithë sektorin si rezultat i falimentimeve masive që parashikohen. Edhe se në teori zgjidhjet duken të thjeshta, të gjithë e dimë që janë mjaftueshëm të komplikuara si në aspektin legjislativ ashtu dhe në atë operacional, por duhet vënë dorë shpejt dhe me vendosmëri që të mbahet sektori funksional.
Hapi i pare urgjent duhet të jetë ai i ndalimit të të gjitha mjeteve taksi apo personale që bëjnë transportin e udhëtarëve përtej kufijve shqiptar në mënyrë të jashtëligjshme duke cenuar kështu të ardhurat dhe objektin e aktivitetit të operatorëve të transportit ndërkombëtar të udhëtarëve. Modelin e zgjidhjes mund ta marrim nga secili prej fqinjëve tanë të cilët kanë vendosur Policinë Kufitare dhe Doganat të kontrollojnë dhe raportojnë tek instancat e duhura, çdo mjet i cili kalon kufirin shpesh me udhëtarë të ndryshëm në të. Çdo dyshim i raportuar, kontrollohet më pas nga institucionet përkatëse (në rastin e Shqipërisë, nga Task-Forca Rrugore) dhe nëse dyshimi vërtetohet, merren masa ekstreme financiare dhe administrative. Ka edhe raste kur ndëshkimet shkojnë edhe më tej duke i faturuar shkelësit të gjithë dëmin financiar të shkaktuar operatorëve, duke përllogaritur gjithë hyrje-daljet kufitare gjatë 3 viteve të fundit. Kjo do të bënte që operatorët e transportit të rrisin numrin e udhëtarëve për çdo udhëtim dhe automatikisht, do të sillte të ardhura më të mëdha, gjë që do të çonte drejt një amortizimi më të madh të kostove të tyre për udhëtim.
Hapi i dytë dhe po aq urgjent sa i mëparshmi duhet të jetë autorizimi i përdorimit të biletave elektronike për transportin ndërkombëtar të udhëtarëve. Personalisht e kërkoj prej 3 vjetësh një gjë të tillë nga Ministria Infrastrukturës dhe Energjisë (përgjegjëse për transportin). Deri në emërimin e Zj. Balluku si titullare e këtij institucioni, askush nuk ishte i interesuar të dinte për këtë aspekt, por vitin e fundit Zj. Balluku dhe zëvendësministri, z. Shkreli, nisën të studiojnë këtë mundësi, por që gjithçka ka ngelur ende e pa konkluduar, pavarësisht dëshirës së mirë të tyre. Ndërsa pika e parë e masave që duhen marrë është disi më komplekse, autorizimi i të interesuarave për Emetimin e Biletave Elektronike për Transportin Ndërkombëtar të Udhëtarëve është disi më e thjeshtë – qoftë në aspektin ligjor ashtu edhe në atë teknik dhe administrativ – pasi në 4-5 vitet e fundit kanë dalë disa VKM dhe Urdhëresa nga Ministria e Infrastrukturës dhe palët e interesuara kanë tashmë gjithë infrastrukturën teknike në dispozicion dhe funksionale pasi e përdorin prej 3 vitesh. Shembuj, sërish mund të merren të gjitha vendet e rajonit pasi gjithë këto vende përdorin biletat elektronike në transportin e udhëtarëve. Emetimi i Biletave Elektronike do të sillte një shkurtim kostosh të menjëhershëm për të gjithë operatorët pasi do të zeronin shpenzimet për blerjen e biletave manuale (deri në 50.000 Euro/Vit); do të sillte një kontroll shumë më të mirë dhe në kohë reale nga institucionet financiare dhe fiskale; do të mund të përshpejtonte procedurat e kalimit kufitar; do të krijonte një imazh statistikor më të qartë të sektorit. Pjesa më e madhe e operatorëve të linjave ndërkombëtare tashmë përdorin një sistem informatik për menaxhimin dhe administrimin e linjave të tyre dhe janë tashmë të dukshëm në të gjitha rrjetet ndërkombëtare të transportit me autobus, por mungesa e biletave elektronike ja u vështirëson çdo ditë e më shumë aktivitetin e tyre. Përtej të gjithave, është e pakuptueshme se përse biletat e autobusëve për udhëtimet ndërkombëtare janë ende manuale në epokën e dixhitalizimit total – ndërkohë që biletat e trageteve dhe avionit janë elektronike (fatmirësisht).
DPSHTRR dha shembullin më të mirë dhe tregoi se kur dëshira e mirë ekziston, gjëra të mëdha arrihen. Është e vërtetë që institucioni në fjalë është me vetëfinancim dhe ka të ardhura të mjaftueshme vjetore për të mbuluar mbi 1.4 Milion Euro taksa të falura sektorit të transportit të udhëtarëve, por kjo nuk zbeh aspak faktin që ishte dëshira e mirë e drejtuesve për të ndihmuar ajo që bëri të mundur këtë ndihmë të madhe për një nga sektorët më të prekur.
Jemi të gjithë të vetëdijshëm që Qeveria nuk mund të suportojë financiarisht të gjithë dhe gjithçka në këtë situatë, por mund të veprojë me mekanizmat që posedon në atë mënyrë që të mund ti lejojë operatorëve të nisin rimëkëmbjen me forcat e tyre. Nëse kërkesat e mësipërme nuk merren parasysh dhe nuk zgjidhen në një kohë të shkurtër, rrezikohet që pjesa më e madhe e kompanive të shemben ekonomikisht dhe të kemi një kaos logjistik dhe operacional në të gjithë sektorin.

Artikull i Publikuar ne Fast Web News